Fritidstilbod

Generelle fasilitetar

Ballbingen

Ballbingen ligg på plassen ved Fedje skule. Her er det ikkje lagtopp til faste treningar, og ballbingen fungerer derfor som ei open "løkke" etter skuletid som alle kan nytte etter eige ønske. Her er det og lys, og det er difor mogleg å nytte ballingen på kveldstid. 

 

Fedje idrettsplass

Fedje Idrettsplass er ei fotballbane som ligg mellom Husøyna og Rognsvågen. Fedje Idrettslag nytter bana til både fotballtreningar og heimekamper, som kan sjåast frå bana si tribune. 

Bana er open for alle som ønskjer å nytta den, og den har blombelysning nom kan nyttast når det er mørkt. 

Sommaren 2013 vart det lagt eit kunstgrasdekke på den tidlegare grusbana. Bana er difor godt oppdatert, og i god stand. 

 

Fedje fleirbrukshall

Fleirbrukshallen samlar mange ulike aktivitetar og arrangement gjennom året. Den er hyppig i bruk av skulen og barnehagen og det er fleire tilbod innan gruppetrening, idrett og fysisk aktivitet med tilhald her.

Hallen har fleire rom som kan nyttast til forsamlingslokale, konsertar, dansar, idrettsarrangement og liknande. Leiar for styret i hallen er kontaktperson.

Telefon: 90 66 98 31

E-post: kristin.handeland@fedje.kommune.no

 

Styrkerommet

Styrkerommet finn du inne i Fleirbrukshallen. Dette er utstyrt med manualar, treningsmaskinar og anna gym-utstyr for eigentrening og styrketrening.

Det er ingen offisiell plassbegrensing, men rommet er noko lite. Det er difor mogleg å skrive seg opp på ei liste når ein planlegg å trene, sånn at ein har oversikt over når rommet er ledig. 

Lista finn du ved å trykkje på denne lenkja

 

Svømmehall

Fedje sitt svømmebasseng er 12,5 meter langt, og er ellers utstyrt med garderobeanlegg, dusjar og badstove.

Bassenget er stengd for publikum i skuletida eller når det er andre faste aktivitetar der, som til dømes trimgrupper. Ellers er bassenget ope for alle som har ein nykkel, og me oppfordrar alle til å bidra aktivt til å rydde opp etter seg og behandlar anlegget fint når ein nytter det. 

Leige av bassengnykkel er kr. 1000 i året, og du må og betale eit depositum er kr.1000,- ved utlevering av nykkelen på servicetorget. Ein må rekne med noko ventetid frå ein tingar nykkel til ein får nykkel utlevert.

 

Aktivitetskalender for barn og unge og vaksne

 

Trykk på  denne lenka  og du får opp vår aktivitetsplan som pdf. med lenker til dei ulike aktivitetane!

I tillegg fins det eit mylder av aktivitetar innan kor, rockeklubb, bedehus, grendahus, teaterlag, bibliotek osv.

Har du spørsmål om aktivitetar på Fedje kan du ta kontakt med postmottak@fedje.kommune.no eller ringe 56165100.


Sist oppdatert: 30.03.2022
Publisert: 29.10.2018